Ą̊ Övdalskunes dag 1 juni war finaln i risepttävlindjin fer tä fą̊ til Övdalimes natjionalbull.Finggum in mikklų finurligų risept ą̊ guoðbullum. Bulljuryn Melanie Thoris, Helena Grund, Annika Backman og Stefan Siitari add djärå småkå av og kenn etter ukin bull so war guoðest, finest og mjäst övdalsk. Wer og ien i Bulljuryn waist poäng fer wer bulle og poängę wart ijuoprekknader. Eð war spennend mes dier gard sienest bidyömnindję i Tinggsauspartjem. Ogest poäng fikk risepteð ”Älvdalsbullar” og bulln war båkåð åv Ann-Marie Eriksson, ą̊ oðer plassem wart ”Bullsmurra med bär” båkåð åv Mari Eklund og number tri wart ”Älvdalens bulle” båkåð åv Paulina Sörling.Priseð war prisentkuort og ien wirkað bull i snyörę aindjend ringgum åsn.
Upums nogär will byr ą̊ båkå og sel iss-jär bullą så fåmm småkå diem wið og.
Lämna ett svar