Eð war glåmåkweld i Wes tiund aprill 2018. Dar wart eð tal um wattn i ųolaik sturliekum auti naturem. Övdalsuordę wart yvyrsetter að swenska og sę war eð non so add noð sai åv um uordę. Eð ar funnes ien luok westryvyr. Wessn įe kelingg so ietteð Albertina kam sykklend febi an-dar luotjin kam trullę og rykkt i tjuoslan að enner. Sę war eð ien Pringgelluok so war ien mįeter diuop i mittn, an feswann grą´lla etter ses dier add avwerkað skuo’n ringgum luotjin. Finggum är mikkel slaik birettelser attrað uordum.
![](https://www.ulumdalska.se/wp-content/uploads/2018/04/IMG_2106-300x225.jpg)
Inga-Britt Petersson, Åke Larsson, Rickard Estenberg
![](https://www.ulumdalska.se/wp-content/uploads/2018/04/IMG_2094-300x225.jpg)
Karin Trapp, Maria Beronius, Jenny Beronius, Bia Tegnér
![](https://www.ulumdalska.se/wp-content/uploads/2018/04/IMG_2112-300x225.jpg)
Birgit Åhlen, Kråk Birgitta Andersson, Inga-Britt Petersson
![](https://www.ulumdalska.se/wp-content/uploads/2018/04/IMG_2095-300x225.jpg)
Lena Eriksson, Jannes Sigurdsson, Ulla Schütt
Sę wart eð tal um rumpdrag og bögelbräð. Mikkel ungger i Övdalim åvå faið kåit i gardum fer te lån rumpdrag mes eð ulld slaktas iemą̊ gardum. Inggan add noð slaikt lån aut uonde ur mikkel garder dier kåi’tt i. Og mes unggär kam iem war eð ferdugslaktað. Laikt war eð min bögelbrädę. Dier ulld brukas mes kelinggär bäkäð tunnbröð i gardum. Unggär fingg aut og kåit i gardum. Itjä fanns eð noð bögelbräð.
Eð war ien trivlin glåmåkweld. Warum trettą̊ kelingger og kaller so warum min ą̊ ien trivligan glåmåkweld i Wesa. Bia Tegnér, Birgit Åhlén, Kråk Birgitta Andersson, Rikard Estenberg og Klukker Åke byddj eld åvå byggt i Wes. Jannes Sigurdsson kam frą̊ Muora, Ulla Schütt frą̊ Blibjärr, Trapp Karin frą̊ Ą̊sbymm, Inga-Britt Peterson frą̊ Mykklaingg, Lena Eriksson, Maria og Jenny Beronius frą̊ Luoka og ig, Pell Birgitta frą̊ Östmykklaingg.
Text och foto: Pell Birgitta Andersson
Lämna ett svar